गजल १ :

कस्तो भयो नेपाल रुखका हाँगा सुक्न थाल्यो
बलियो भन्ने हतौडाको बिँड फुट्न थाल्यो

हिजोसम्म संसारलाई न्यानो बनाई राख्छु भन्थ्यो
तर आज मौसमसँग सुर्य झुक्न थाल्यो

चट्टान फोर्ने हिम्मत राख्न्ने गर्थ्यो हलो पनि
खिया लाग्यो फाली पनि अब चुक्न थाल्यो

समाजलाई अमृतसरह दुधपान गराई हिड्ने
थाकेछ त्यो गाईको पनि खुट्टा दुख्न थाल्यो

घिन्ताङ् घिन्ताङ् आवाजमा जनतालाई सचेत पार्ने
के भएछ मादलको नि खरी टुट्न थाल्यो